NATO dhe KFOR-i i urojnë Shqipërisë 110 vjetorin e Pavarësisë
NATO-ja e ka uruar Shqipërinë me rastin e festës së pavarësisë.
Organizata e Traktatit të Atlantikut të Veriut, përmes një postimi në Twitter, ka kërkuar nga ndjekësit e tyre që ta ripostojnë urimin e tyre.
“Ripostoni që të na bashkoheni për të festuar me aleatin tonë, Shqipërinë në ditën e pavarësisë së tyre. Ne jemi NATO”, shkruhet në postimin e NATO-s.
Festën e ka uruar edhe misioni i NATO-s në Kosovë, KFOR-i.
“Gëzuar Ditën e Pavarësisë për Shqiptarët tanë, aleatët dhe miqtë. Shqipëria ka qenë anëtare e NATO-s që nga viti 2009 dhe kontribuon me më shumë se 50 ushtarë në misionin e KFOR-it”, ka shkruar KFOR-i në Facebook.
Rruga Press