Nagavci kërkon zhbllokim të procesit për presidentin: Shteti nuk pret

April 24, 2026 use3

Shefja e Grupit parlamentar të Lëvizjes Vetëvendosje, Arbërie Nagavci, ka deklaruar se çështja e zgjedhjes së presidentit po bllokohet nga disa deputetë, duke aluduar në opozitë.

Nagavci tha se një nga temat që e përshkon mendimin e akademikut Rexhep Qosja është mungesa e guximit për të thënë të vërtetën kur ajo është e vështirë, duke theksuar se problemi nuk qëndron te mosdija e së vërtetës, por te mosshprehja e saj.

Lexo më shumë Vajza e Blerim Devollit pronësinë e Qumështores Vita e ka të regjistruar në Maltë me pasaportë të Serbisë

“Një nga temat që e përshkon mendimin e tij është pikërisht kjo: mungesa e guximit për të thënë të vërtetën kur ajo është e vështirë. Për të, problemi nuk ishte se e vërteta nuk dihej. Problemi ishte se shpesh ajo nuk thuhej. Dhe kur nuk thuhet, ajo zëvendësohet me justifikime. Kjo është arsyeja pse Rexhep Qosja do të mbetet përjetësisht aktual. Sepse ai nuk e kritikoi vetëm kohën e vet. Ai kritikoi një mënyrë të të bërit politikë që, për fat të keq, vazhdon të shfaqet edhe sot. Pra, shmangia e vendimit, relativizimi i përgjegjësisë, zëvendësimi i qëndrimit me kalkulim”, tha ajo.

Lexo më shumë Media e njohur italiane, “Il Foglio” shkruan për revoltën 35-ditore të shqiptarëve: Sheshet mbushen me njerëz që duan ta shohin “Edi Ramën në burg”, e konsiderojnë kriminel që ka hedhur Shqipërinë në gojën e ‘peshkaqenëve’

Ajo shtoi se presidenti duhet të dalë nga një proces i rregullt, duke theksuar nevojën për vendimmarrje.

Rruga Press