Moti i keq/ Era e fortë rrëzon lisin në Kukës, dhjetëra familje pa energji elektrike

Moti i keq me reshje dëbore dhe temperatura nën zero ka shkaktuar probleme të mëdha në Qarkun e Kukësit.

Mësohet se si pasojë e erërave të forta është rrëzuar një lis në lagjen ‘Zabel’ të qytetit, duke bërë që mbi 150 familje të mbesin pa energji elektrike.

Ndërkohë, djegia e një transformatori ka lënë pa energji elektrike edhe 60 familje në fshatin Malqenë.

Moti i ftohtë ka përfshirë qarkun e Kukësit prej disa ditësh, ku ka pasur probleme me furnizimin me energji elektrike në disa fshatra, ndërsa janë raportuar vështirësi në qarkullim si pasojë e mjegullës së dendur dhe ngricave në rrugë si pasojë e temperaturave nën zero.

Rruga Press