Mosmarrëveshja për termocentralin, Kosova shkon në Arbitrazh me kompaninë Contour Global

Kosova njoftoi të enjten se gjeneratori i energjisë ContourGlobal kishte nisur një proces arbitrazhi në një gjykatë ndërkombëtare për mosmarrëveshjen rreth projektit të dështuar për ndërtimin e një termocentrali.

Ministria e Ekonomisë dhe Mjedisit tha se kishte marrë njoftimin nga Gjykata Ndërkombëtare e Arbitrazhit (Qendra Ndërkombëtare për Zgjidhjen e Mosmarrëveshjeve të Investimeve).

 Kompania amerikane Contour Global me bazë në Londër  u tërhoq në mars nga plani për ndërtimin e termocentralit me qymyr me vlerë 1.3 miliard dollarë me vlerë 500 megavat që do të siguronte rreth gjysmën e kërkesës për energji elektrike të Kosovës e cila po lufton me mungesat e energjisë.

Contour Global, i cili nuk pranoi të komentonte të enjten, kishte thënë se impianti Kosova e Re, i cili u kundërshtua nga ambientalistët, nuk kishte gjasa të ndërtohej ndonjëherë nëse qeveria nuk e bën atë një projekt shtetëror.

Ministria e Ekonomisë e Kosovës tha se mbyllja e projektit, e cila ishte planifikuar për në maj, nuk ka përfunduar në kohë për shkak të mosmarrëveshjeve midis dy palëve.

Ministria theksoi shtoi se qeveria po punonte me Avokaturën e Shtetit për të ndjekur procesin dhe për të mbrojtur interesat e saj.

Një zyrtar i lartë qeveritar, duke folur në kushte anonimiteti, tha se Contour Global po kërkonte kompensim prej 20 milion eurosh.

Ish-ministri i Zhvillimit Ekonomik, Valdrin Lluka, pati deklaruar në nëntor të vitit 2019 se nëse zvarritjet e kontratës me Contour Global shkaktohen nga Kosova duke mos i përmbushur obligimet, atëherë Qeveria e Kosovës do të ketë si përgjegjësi financiare ndaj kompanisë ‘Contour Global’ një vlerë prej 19.7 milionë eurosh.

Ndërsa, sipas Llukës, nëse Kosova i përfundon obligimet, por ‘Contour Global’ nuk arrin të sigurojë pakon financiare, atëherë kjo kompani do t’i detyrohet Kosovës me një vlerë prej 17.5 milionë eurosh.