Misteri i fluturimit të Sergei Lavrov në Pekin, avioni u kthye pas në gjysmë të rrugës (2 hipotezat)

Misteri mbretëron me fluturimin e ministrit të Jashtëm rus Sergei Lavrov për në Pekin të Kinës, një udhëtim që nuk u përfundua kurrë, pasi në gjysmë të fluturimit avioni u kthye në Moskë!

Në veçanti, sipas gazetës gjermane Bild, “Ministri i Jashtëm rus Sergei Lavrov donte shumë të shkonte te aleati i tij i madh në Pekin. Por në mes të fluturimit, avioni ndryshoi kursin mbi Novosibirsk, Siberi. Dhe, në vend që të mbërrinte në destinacionin e tij, Kinë, ai u kthye në aeroportin Vnukov. Domethënë nga ishte nisur avioni i tij.

“Dhe njerëzit tani pyesin: A refuzoi Pekini të priste ministrin e Jashtëm rus apo Vladimir Putin e urdhëroi atë të kthehej në Moskë sepse situata është shpërthyese?”, komentoi gazeta gjermane.

Në raport thuhet gjithashtu se Putini i ka dërguar një mesazh Perëndimit se do të vazhdojë në Ukrainë “deri në fund”. Më pas, presidenti amerikan Joe Biden premtoi se do t’i dorëzonte Ukrainës ndihma ushtarake: armë dhe pajisje, me vlerë gati një miliard dollarë.

Ndihma ushtarake amerikane vjen megjithatë, ndërkohë që presidenti rus ka paralajmëruar paraprakisht se do të reagojë në rast se Perëndimi do të forcojë Ukrainën me armë. “Pra, një nivel i ri i përshkallëzimit po vjen nga Rusia? “Apo Pekini nuk donte të priste Lavrovin?”, pyet “Bild”.

Artikulli në fjalë shkruan gjithashtu se orët e fundit presidenti amerikan Joe Biden e ka quajtur Putinin “kriminel lufte”, pasi media shtetërore ruse kujtoi se një vit më parë, i pyetur nëse presidenti rus ishte vrasës, Biden ishte përgjigjur në pohuese.

Rruga Press