Lajme

Miratohet raporti, spiunazhi ish-jugosllav duhet të hapë arkivat

Shkruan Erisa Zykaj

Komisioni i punëve të jashtme të Parlamentit Europian votoi sot me 60 vota pro, 4 kundër dhe 6 abstenime raportin e eurodeputetit Lukas Mandl mbi bashkëpunimin e vendeve të Ballkanit Perëndimor në luftën kundër krimit të organizuar.

Në raportin e eurodeputetit Mandl artikulohet qartë, se krimi i organizuar në Ballkanin Perëndimor është i rrënjosur thellë në histori dhe rrjedhimisht nevojiten reforma të dukshme në fushën e shtetit ligjor dhe krimit të organizuar.

Vendeve të Ballkanit i kërkohet të rrisin në mënyrë domethënëse përpjekjet për progres në reformat e sundimit të ligjit dhe luftës kundër krimit të organizuar dhe korrupsionit dhe të tregojnë rezultate të prekshme për të ecur përpara në rrugën e tyre evropiane. Sipas raportuesit Mandl, kjo do të bëjë diferencën në rrugën europiane të rajonit.

Në raportin e aprovuar nga komisioni i jashtëm të Parlamentit Europian, vihet në dukje, se vendet e Ballkanit Perëndimor shêrbejnë si vende origjine, tranziti dhe destinacioni për të trafikun e qënieve njerëzore, ashtu si dhe koridore tranziti për migrantët dhe refugjatët, si edhe bazë për pastrim parash dhe trafik armësh.

Lexo më shumë  Mbi 100 vjet për t’u barazuar, pensionet në Shqipëri sa 19% e nivelit të BE-së sipas fuqisë blerëse

Mandl u shpreh, se si kudo në botë, krimi i organizuar dhe korrupsioni dëmton besimin e shumicës dërrmuese të qytetarëve të Ballkanit Perêndimor në institucionet e tyre publike, por edhe integrimin europian.

Mandl theksoi, se kjo është arsyeja pse krimi i organizuar është një pengesë e madhe për përpjekjet e shoqërive në vendet e rajonit për të zhvilluar shtetet e tyre, ekonomitë e tyre dhe fusha të tjera të jetës. Bashkimit Europian i kërkohet të përshpejtojë procesin e integrimit europian, pasi izolimi i këtyre vendeve nxit veprimtarinë e krimit të organizuar. Në raport, kërkohet edhe aprovimi i liberalizimit të vizave pa humbur kohë.

Raporti Mandl kërkon gjithashtu hapjen e arkivave të shërbimeve të sigurisë nga e kaluara komuniste. “Veçanërisht për shkak të rrënjëve historike të krimit të organizuar, një nga objektivat kryesore të përmendura në raportin e Parlamentit Evropian do të jetë hapja e arkivave mbi veprimtarinë e shërbimeve të inteligjencës në shtetet e Ish-jugosllavisë”, është shprehur Mandl para votimit.

Lexo më shumë  “Politika përfundon aty ku hyn dhuna”/ Tomor Alizoti: Të rinjtë dhunohen ndërsa policët shofer të Agasit. Drejtoresha e SHISH i shërbente krimit

Grupimi i partive popullore europiane, të cilit i përket eurodeputeti Lukas Mandl, synon që vendet e Ballkanit Perëndimor të kenë një histori të qëndrueshme në trajtimin e krimit të organizuar, korrupsionit dhe pastrimit të parave.

Qëndrimi i këtij grupimi, është se vendet e rajonit të Ballkanit Perëndimor duhet të nxjerrin raporte periodike kombëtare për këtë çështje dhe t’i bëjnë institucionet e tyre të punojnë më mirë së bashku, veçanërisht në lidhje me mbledhjen dhe shkëmbimin e inteligjencës.

Rruga Press

YouTube player

Leave a Reply

Your email address will not be published. Required fields are marked *