Ministria e Infrastrukturës ndan 4.4 milionë euro për ndriçimin e autostradave

July 15, 2025 user 1

Ministria e Infrastrukturës ka hap sot tenderin për ndriçimin me teknologji të mençur smart të dy autostradave kryesore në vend “Ibrahim Rugova” dhe “Arbën Xhaferi”.

Për këtë tender ministria i ka paraparë 4.4 milionë euro për ndriçimin me teknologji të mençur (smart) të dy autostradave kryesore në vend: “Ibrahim Rugova” dhe “Arbën Xhaferi”.

Njoftimi për këtë projekt është publikuar përmes platformës E-prokurimi, ku është hapur edhe thirrja për tender. Sipas dokumenteve të publikuara, afati i fundit për dorëzimin e ofertave është data 18 korrik 2025.

Lexo më shumë Manxhuka: Godisni deputetët e LVV-së, ushtarët e UÇK-së, të burgosurit politik, vëllezërit e dëshmorëve. Ndërgjegja jonë politike është e pastër, si loti

Ky investim pritet të përmirësojë sigurinë dhe efikasitetin e qarkullimit në këto dy korridore të rëndësishme rrugore, përmes instalimit të ndriçimit të automatizuar dhe teknologjisë moderne të kontrollit të energjisë.

Ndryshe, ndërtimi i dy autostradave – “Ibrahim Rugova” (R7) që lidh Kosovën me Shqipërinë dhe “Arbën Xhaferi” (R6) që lidh Kosovën me Maqedoninë e Veriut – ka kushtuar mbi 1 miliard euro në total, duke u renditur ndër projektet më të mëdha infrastrukturore të vendit në dekadën e fundit.

Lexo më shumë Ngrohen më pak, konsumojnë më pak: Shqipëria ndër vendet me energjinë familjare më të ulët në Evropë

Rruga Press