Ministri rus i Mbrojtjes shfaqet në media: Perëndimi po zvarrit operacionin tonë në Ukrainë

Ministri rus i Mbrojtjes Sergei Shoigu ka deklaruar  se SHBA dhe vendet e tjera perëndimore po bëjnë gjithçka për të zvarritur operacionin ushtarak të Rusisë në Ukrainë.

Shoigu thotë se rritja e furnizimeve të huaja me armë në Ukrainë “dëshmon qartë synimet e tyre për të provokuar regjimin e Kievit për të luftuar deri në pozitën e fundit të Ukrainës”.

Ai shton se forcat ruse po zbatojnë në mënyrë metodike një plan për “çlirimin e Republikave Popullore të Donetsk dhe Luhansk”, duke iu referuar entiteteve të vetëshpallura rebele në Ukrainën lindore.

Shoigu, 66 vjeç, u shfaq në kanalin televiziv shtetëror të Rusisë Rossiya 24, i cili tha se ministri po fliste në një kolegjium, bord këshillues me zyrtarët më të lartë ushtarakë të vendit në Moskë.

Nuk është e qartë nëse takimi transmetohej drejtpërdrejt apo i regjistruar më herët, shkruan BBC.

Nëse konfirmohet, kjo do të ishte dalja e parë publike e Shoigut brenda disa ditësh, mes raporteve se ai mund të ketë disa probleme shëndetësore.

Rruga Press