Ministri Peci: Javën e ardhshme shpallet thirrja për subvencionet e vitit 2024

March 9, 2024 User2

Ministri i Bujqësisë, Pylltarisë dhe Zhvillimit Rural, Faton Peci, ka njoftuar se nga java e ardhshme do të shpallet thirrja për aplikim në Programin për Pagesa Direkte/Subvencione 2024. Këtë njoftim Peci e ka bërë nëpërmjet rrjetit social Facebook, pas një vizite që i ka bërë në Novolan të Vushtrrisë, blegtorit Gëzim Hajdari.

Lexo më shumë 26 ton misër nga Serbia me përmbajtje mbi normë të alfatoksinës B1, AKU në Shkodër kallëzon penalisht ‘Modi’ shpk

Ky i fundit është blegtor që merret ,e mbarështimin e racës autoktone të buallicës. Peci tregon se Hajdari ka rritur numrin e krerë nga 30 sa kishte vitin e kaluar në 50 sa mbarështon aktualisht.

“Nën-produktet e qumështit të buallicës kanë një vlerë financiare të lartë në treg, ndërsa ruajtja dhe rritja e racave autoktone përbën interes shtetëror. Gjatë javës që vjen do shpallet thirrja për aplikim në Programin për Pagesa Direkte/Subvencione 2024 ku për buallicat kemi dyfish rritje të mbështetjes financiare”, deklaroi Peci.

Lexo më shumë Sa mund të rritet çmimi i naftës? The Guardian: Ekonomistët paralajmërojnë rrezikun global

Rruga Press