Ministri Maqedonci në ShBA diskuton për gjendjen e sigurisë në rajon

Ministri i Mbrojtjes Ejup Maqedonci vizitën në SHBA e ka filluar me takimin në Atlantic Council, ku është pritur nga Jörn Fleck, drejtor senior në këtë “think-tank” prestigjioz dhe bashkëpunëtorët e tij.

Ai po qëndron në Shtetet e Bashkuara ku po zhvillon takime të nivelit të lartë në Departamentin e Mbrojtjes, në Departamentin e Shtetit, në Senatin e SHBA-së dhe në institucione të tjera.

“Në takim diskutuam rreth situatës globale të sigurisë, sulmeve terroriste në veri, situatën e sigurisë në vend dhe influencën dhe bashkëpunimin Rusi-Serbi në shërbim të destabilizimit të rajonit. Në takim konfirmova angazhimin tonë institucional për integrim në NATO dhe BE dhe thellimin e mëtejmë të bashkëpunimit mes Kosovës dhe SHBA-së në fushën e mbrojtjes dhe sigurisë”, ka shkruar Maqedonci në Facebook.

Rruga Press