Ministri i Punëve të Jashtme të Ukrainës: Të vendosen sanksione të ashpra ndaj Rusisë

Ministri i Punëve të Jashtme të Ukrainës, Dmytro Kuleba ka bërë të ditur se ka folur me Sekretarin Amerikan të Shtetit, Antony Blinken, në lidhje me veprimet e Rusisë.

Kuleba përmes një postimi në Twitter, ka shkruar se duhet t’i vendosen sanksione të ashpra Rusisë.

“Duke marrë parasysh dinamikën e situatës, pata një tjetër telefonatë me Sekretarin amerikan të shtetit, Antony Blinken, përpara takimit tonë të nesërm në Uashington, DC. Tema kryesore: sanksionet. Theksova nevojën për të vendosur sanksione të ashpra ndaj Rusisë në përgjigje ndaj veprimeve të saj të paligjshme”, ka shkruar Kuleba.

Rruga Press