Ministri i Jashtëm i Britanisë pas takimit me Kurtin: Marrëdhëniet Kosovë-Britani janë të fuqishme dhe jetëgjata

Sekretari i Jashtëm i Britanisë së Madhe, James Cleverly ka takuar sot kryeministrin e Kosovës Albin Kurtin në Londër.

Cleverly ka shkruar përmes Twitter-it, për takimin me Kurtin, teksa tha se kanë diskutuar për marrëdhëniet Kosovë – Serbi dhe “nevojën për guxim dhe kompromis për të mirën e njerëzve në të dy vendet”. Z. Cleverly vuri në dukje se marrëdhëniet mes Kosovës dhe Britanisë së Madhe janë të fuqishme dhe jetëgjata”.

“Sot takova kryeministrin e Kosovës, Albin Kurti, para nisjes së procesit të Samitit të Berlinit.

Diskutuam për marrëdhëniet e Kosovës e të Serbisë dhe nevojën për kurajë dhe kompromis, në dobi të popujve të të dyja vendeve.

Marrëdhëniet Kosovë-Britani e Madhe janë të fuqishme dhe jetëgjata.”, ka shkruar Cleverly.

Rruga Press

Lexo më shumë  “Mos i kurseni!” - BIRN: Plumbat e gomës kundër protestuesve dhe gazetarëve, dyshime për shkelje sistematike të standardeve ndërkombëtare të përdorimit të forcës