Ministrat e Jashtëm të BE-së miratojnë sanksione të reja kundër Rusisë

Ministrat e Jashtëm të BE-së miratuan një regjim të ri sanksionesh për të ndëshkuar abuzimet serioze të të drejtave të njeriut në Rusi.

Sistemi i ri i sanksioneve u krijua pas vdekjes së liderit të opozitës ruse Alexei Navalny dhe synon individë dhe organizata përgjegjëse për shtypjen e opozitës.

‘’Regjimi i sanksioneve të BE-së u krijua posaçërisht për abuzimet e të drejtave të njeriut në Rusi për nder të Navalny. Rreth 20 objektiva janë përzgjedhur për t’u përfshirë në një listë fillestare’’, theksuan diplomatët.

Këto masa ndëshkuese janë të ndara nga sanksionet ekonomike të vendosura ndaj Rusisë për pushtimin e saj në shkallë të gjerë të Ukrainës.

Sanksionet përfshijnë gjithashtu masa ndëshkuese, veçanërisht ndalimin e hyrjes në Bashkimin Evropian dhe ngrirjen e aseteve të mbajtura në bllok.

Pas vdekjes së Navalny në një kamp burgu në Siberi në mes të shkurtit, anëtarët e BE vendosën sanksione ndaj 33 personave nga sistemi gjyqësor dhe politik i Rusisë nën një regjim ekzistues sanksionesh.

Dy kolonitë penale ku Navalny u burgos për herë të fundit u shtuan gjithashtu simbolikisht në listën e sanksioneve të BE-së. Nuk është arritur ende një marrëveshje për raundin e 14-të të sanksioneve kundër Rusisë për luftën në Ukrainë. Për herë të parë, është duke u konsideruar sektori fitimprurës i gazit natyror të lëngshëm (LNG) të Rusisë.

Rruga Press