Milanoviq: Të gjithë anëtarët e BE-së duhet ta njohin Kosovën

December 13, 2024 User2

Presidenti i Kroacisë, Zoran Milanoviq, ka thënë se të gjithë anëtarët e Bashkimit Evropian duhet ta njohin Pavarësinë e Kosovës, pas takimit që pati me kryeministrin Albin Kurti në Zagreb të premten.

Nga 27 anëtarët e BE-së, Pavarësia e Kosovës ende nuk njihet nga Spanja, Qiproja, Sllovakia, Rumania dhe Greqia.

“Të gjitha kushtet për shtetësi dhe njohje të plotë ndërkombëtare të Kosovës janë përmbushur dhe veçanërisht Kosova duhet të njihet nga të gjithë anëtarët e Bashkimit Evropian që ende nuk e kanë bërë këtë”, ka thënë Milanoviq.

Lexo më shumë Kurti: Zgjedhjet e parakohshme nuk janë opsion, zgjedhja e Presidentit detyrim kushtetues

Ai shtoi se Kosova ka mbështetjen e plotë të Kroacisë në rrugën drejt anëtarësimit në të gjitha organizatat ndërkombëtare.

Milanoviq po ashtu ka theksuar se normalizimi i marrëdhënieve ndërmjet Kosovës dhe Serbisë është i domosdoshëm sepse do të nënkuptonte stabilitet më të madh në Evropën Juglindore, “që është edhe në interesin kombëtar kroat”.

Kurti më herët u takua me kryeministrin Andrej Plenkoviq dhe kryeparlamentarin Gordan Jandrokoviq.

Lexo më shumë Opozita do zgjedhje, që të mbërrijë diçka më shumë se rezultati i 28 dhjetorit. Ta shohim në qershor nëse votuesi do t'i mbështesë për bllokadën e re apo do t'i ndëshkojë

Rruga Press