Metaverse është më i madh se Facebooku – kush pritet të përfitojë prej saj?

Facebook nuk është e vetmja kompani që planifikon të fitojë prej Metaverse.

Aksionet e Nvidia (NVDA), lideri i industrisë në procesorët grafikë dhe çipa, janë rritur me 9 për qind pasi kompania raportoi të ardhura rekord dhe parashikoi fitime më të mira se sa pritej për tremujorin e saj të ardhshëm.

Nvidia zyrtarizoi NVIDIA Omniverse, një platformë për simulimin dhe dizajnimin e botëve virtuale. Kompania ka thënë se shpreson të shfrytëzojë 40 milionë dizajnerë 3D në tregun global.

“Kjo është vetëm maja e ajsbergut të asaj që do të vijë”, tha CEO, Jensen Huang, raporton cnn.

Prodhuesi i çipeve Qualcomm (QCOM) gjithashtu dëshiron të përfshihet në aksion, duke u thënë investitorëve se synon të jetë “bileta për në metaverse”. Kompanitë e ndryshe që nga Playboy deri te kompania diskografike Warner Music Group dhe gjiganti mediatik Disney diskutuan për Metaversen gjatë javëve të fundit.

Më pas është platforma e lojërave Roblox, e cila i lejon përdoruesit të krijojnë avatarët e tyre dhe të luajnë lojëra të krijuara nga lojtarë të tjerë. Aksionet janë rritur pothuajse 160 për qind që kur debutuan në Bursën e New Yorkut në fillim të këtij viti.

CEO i Epic Games, Tim Sweeney i tha CNN në Seul se Metaverse nuk do të krijohet nga një kompani. “Ai do të krijohet nga miliona zhvillues që secili ndërton pjesën e tij”.

Facebook bëri bujë kur ndryshoi emrin e saj të korporatës në Meta Platforms, ndërsa fokusohet në realitetin e shtuar dhe botën virtuale. Por nëse vizioni i saj për të ardhmen del jashtë saj, ajo nuk do të jetë e vetme në grumbullimin e fitimeve.

Rruga Press