Mediumi amerikan: SHBA-ja së shpejti do të nis sulmet ajrore në Irak dhe Siri

SHBA-ja pritet që shumë shpejt të nis sulme shumëditore në Irak dhe Siri kundër objektivave të shumta, duke përfshirë personelin dhe objektet iraniane, raporton CBS News, duke cituar zyrtarë amerikanë.

Presidenti amerikan, Joe Biden tha të martën se kishte vendosur se si t’i përgjigjej një sulmi me dron në Jordaninë verilindore pranë kufirit me Sirinë këtë javë që vrau tre anëtarë të shërbimit amerikan dhe plagosi më shumë se 40.

Shtetet e Bashkuara fajësuan për sulmin me dron militantët e mbështetur nga Irani, raporton skynews.

Sekretari amerikan i Shtetit, Antony Blinken, tha të hënën se përgjigja e SHBA-së “mund të jetë me shumë nivele, të vijë në faza dhe të jetë e qëndrueshme me kalimin e kohës”.

Në raportin e saj, CBS nuk dha detaje se çfarë do të thoshte një miratim i amerikanëve për sa i përket afatit kohor për sulmet.

Marrëdhëniet midis Teheranit dhe Uashingtonit janë të tensionuara pas vdekjes së ushtarëve amerikanë për të cilat zyrtarët fajësojnë militantët e mbështetur nga Irani.

Garda Revolucionare e Iranit ka thënë më parë se do t’i përgjigjet çdo kërcënimi të SHBA-së.

Rruga Press