Mediat ruse bëjnë fushatë për Vuçiqin, e lartësojnë presidentin serb dhe sulmojnë NATO-n

Mediet ruse raportuan edhe për mitingun e SNS-së të së shtunës dhe fjalimin e presidentit aktual të Serbisë, Aleksandar Vuçiq, në Stark Arena në Beograd.

Serbia nuk e ka harruar kur NATO bombardoi kundër Republikës Federale të Jugosllavisë në vitin 1999 për çlirimin e Kosovës, raporton TASS nga deklarata e Vuçiqit nga tubimi parazgjedhor.

“Po ushtria serbe, ajo është e rrethuar nga NATO-ja nga të gjitha anët. Po kjo është e saktë. Ne kemi marrëdhënie të mira me NATO-n dhe do të përpiqemi t’i mbajmë të tilla. Por kjo nuk do të thotë se kemi harruar vitin 1999. Çdo vit ne do të shënojmë përvjetorin e këtyre ngjarjeve dhe do t’i kujtojmë njerëzve atë që ndodhi, në mënyrë që të shikojmë nga e ardhmja, por jo të turpërohemi, por të krenohemi për të kaluarën tonë të guximshme dhe të heqim kapelet në kujtim të çdo heroi i cili vdiq para altarit të atdheut të tij. Ne do t’u ngremë monumente në mënyrë që ata të mos harrojnë çmimin që kanë paguar për një Serbi të lirë”, tha Vuçiqi, duke iu drejtuar mijëra të pranishmëve, transmeton TASS.

“Ne duam të qëndrojmë ushtarakisht neutralë, të mbrojmë në mënyrë të pavarur qiellin tonë, të mbrojmë vendin tonë, të mbrojmë jetën e qytetarëve të këtij vendi dhe ushtria jonë do të bëhet më e fortë”, theksoi kreu i shtetit, shtoi ai.

Izvestia kujton atë që tha Sekretari i Përgjithshëm i NATO-s, Jens Stoltenberg më 20 nëntor gjatë vizitës së tij në rajon, kur njoftoi planet për një shtim të mundshëm të forcave të Aleancës në territorin e Kosovës, Bosnjë-Hercegovinës dhe Ballkanit Perëndimor në tërësi. Ai e lidhi atë me nevojën për të parandaluar shpërthime të reja të dhunës në territorin e Kosovës.

Portali Vzglyad.ru veçon deklaratën e Vuçiqit se Serbia synon “të shikojë nga e ardhmja, por jo të turpërohet, por të jetë krenare për të kaluarën e saj të guximshme dhe të heqë kapelet në kujtim të çdo heroi që dha jetën e tij para altari i atdheut. Ai ka paralajmëruar se do t’u “ngre monumente që të mos harrojnë çmimin që kanë paguar për Serbinë e lirë”.

REN.TV shkruan se sipas Vuçiqit, Serbia nuk do ta harrojë vitin 1999 dhe se Serbia dëshiron të jetë ushtarakisht neutrale për të mbrojtur veten dhe qytetarët e saj.

Vuçiqi më herët tha se Serbia do të përpiqet të përmirësojë marrëdhëniet me NATO-n, por se do të ruajë neutralitetin ushtarak.

Rruga Press