Media serbe citon Vlora Çitakun për të shkruar kundër Albin Kurtit

Mediat serbe nuk humbin asnjë rast që të sulmojnë Kryeministrin e Kosovës, Albin Kurti, por shpesh herë kjo gjë i bëhet më e thjesht nga antarë të ndryshëm të opozitës në Kosovë, deklaratat e të cilëve bëhen shumë thjesht të përdorshme nga mediat serbe.

Kësaj radhe është gazeta Blic.rs që përdor fjalët e Vlora Çitakut për të sulmuar kryeministrin e Kosovës, raporton Rruga Press.

“Ndoshta qytetarët jetojnë më mirë, por në UNIVERSIN PARALEL TË KURTIT” Vlora Çitaku ka sulmuar kryeministrin e Prishtinës: “Më mirë të lërë marifetet e tij”, kshu e ka titulluar lajmin portali serb Blic.rs.

Ndërsa në brendi shkruhet:

Nënkryetarja e Partisë Demokratike të Kosovës (PDK), Vlora Çitaku, duke iu përgjigjur deklaratës së kryeministrit Albin Kurti se Kosova e ka ulur shkallën e varfërisë për 35 për qind për 10 vjet, tha se qytetarët jetojnë më mirë vetëm në “universin paralel të Kurtit”.
Çitaku ka pyetur në Facebook se a jetojn më mirë një qytetarë i Kosovës sot se më parë? A e përballon çmimin e rritur të energjisë elektrike? A arrin me pagën e njejtë e pa rritje të përballoje inflacionin? Ndoshta në universin paralel të Kurtit po. Por jo në botën reale. Lëri mashtrimet – i tha Çitaku.

Qartazi, opozita në Kosovë ka humbur shumë nga mbështetja politike që ka pasur, aq shumë sa deklarata të tilla bëhen lajm vetëm në Serbi.

Rruga Press