Me thirrjet për siguri e barazi për gratë, nis protesta e kolektivit “Marshojmë s’festojmë”

March 8, 2024 user 1

Me thirrjet “Nuk dua lule, po dua kontratë pune” dhe “Poshtë Patriarkati”, kolektivi “Marshojmë s’festojmë”, ka nisur protestën në kërkim të respektimit të të drejtave të grave në Kosovë.

Protesta ka nisur nga sheshi “Zahri Pajaziti”, dhe pritet të vazhdojë deri te ndërtesa e Qeverisë së Kosovës.

Lexo më shumë Mbi 50 % e qytetarëve të anketuar nga UNDP janë shprehur të kënaqur me punën e institucioneve kryesore qendrore të Kosovës

Protestuesit kanë hedhur bojë të kuqe me thirrjen “Poshtë policia patriarkale” në Stacionin Policor në Prishtinë.

Protesta të ngjashme janë mbajtur edhe vitet e kaluara në Kosovë, në datën e njëjtë – 8 Mars – kur shënohet Dita Ndërkombëtare e Gruas.

Protestuesit gjithashtu janë dëgjuar edhe duke kërkuar dënime maksimale për vrasësit, dhunuesit dhe ngacmuesit e grave, dhe për më shumë siguri për gratë në ambientet publike dhe private.

Lexo më shumë Kryeministri Kurti udhëtoi në Paris për të mbështetur sportistët e Kosovës në Olimpiadë

Në protesta janë dëgjuar edhe porositë: “Poshtë racizmi” e “Poshtë homofobia”.

Rruga Press