“Me shumë dashuri nga Shqipëria”, kush e bleu predhën me mesazhin e veçantë në Ukrainë

Një student 22-vjeçar ka vendosur që t’i vijë në ndihmë Ukrainës duke marrë porosi me predha nga qytetarë të ndryshëm anekënd botës e duke i dërguar në vendin që po përballet me armikun rus. Në një intervistë për “Business Insider”, i riu shprehet se kushdo që ka mundësi, të lërë edhe një mesazh në predhat e Ukrainës që përdoren kundër ushtrisë ruse. Dhe sigurisht kjo bëhet kundrejt një pagese. E në një nga këto mesazhe përmendet edhe Shqipëria.

“Me dashuri nga Shqipëria”, është shkruar në një predhë ukrainase.

Por kush e ka dhënë këtë porosi që në predhën e ushtrisë ukrainase të përmendet emri i Shqipërisë? Ky fakt nuk dihet. Anton Sokolenko thotë se porositë i merr kryesisht në rrjetin social Telegram dhe për të shkruar mesazhin e klientëve në një predhë duhet të paguajnë 40 Dollarë.

Rruga Press