Mbyllja e zyrës paralele tatimore në veri, Sveçla: Haraçi i mbledhur nga Serbia në Kosovë është i dënueshëm

January 8, 2025 user 1

Ministri i Punëve të Brendshme, Xhelal Sveçla ka reaguar pas mbylljes edhe të një institucioni paralel të Serbisë në veri të Mitrovicës.

Ai ka theksuar se aktiviteti ilegal i Agjencisë Tatimore të Serbisë do të hetohet nga mekanizmat përkatës të Kosovës, dhe ka përsëritur angazhimin e institucioneve të Kosovës për të luftuar çdo formë paralelizmi kriminal që mbështetet nga Serbia.

Lexo më shumë ’Rama po e shet Shqipërinë!’ Këlliçi: Ndryshimi s’vjen nga qielli, të majtë e të djathtë të vijnë sot në shesh

Në një postim në Facebook, Sveçla tha se ky institucion i Serbisë kishte mbledhur ilegalisht mjete financiare nga qytetarët dhe subjektet që operojnë në territorin e Kosovës.

“Ky insitucion ka mbledhur ilegalisht mjete financiare nga qytetarë e subjekte që jetojnë e veprojnë në Republikën e Kosovës. Haraçi është i dënueshëm dhe rreptësisht i ndaluar për këdo që e zhvillon atë”, ka shkruar Sveçla.

Ministri ka shtuar se ky aktivitet ka qenë një përpjekje e grupeve kriminale që janë lojaliste ndaj Serbisë dhe figurave si Vladimir Putin.

Lexo më shumë Haxhiu bën homazhe në tri fshatra të Drenasit, kërkon drejtësi për krimet e luftës

“Ne do të vazhdojmë të luftojmë çdo formë të paralelizmit kriminal dhe do t’i dërgojmë para drejtësisë ata që e mbështesin atë,” theksoi Sveçla.

Rruga Press