Mbyllet ura në Krime pas raportimeve për sulme nga dronët ukrainas

Ura e Krimesë është mbyllur mes raporteve për dronët ukrainas që synonin zonën.

Siç raportohet, shpërthime u dëgjuan në Kërç pranë kantierit të anijeve “Zaliv” dhe sistemet e mbrojtjes ajrore thuhet se u aktivizuan.

Ndërtimi i urës 19 kilometra të gjatë që lidh Krimenë e pushtuar me territorin rus, filloi pas pushtimit të paligjshëm të gadishullit në vitin 2014 dhe përfundoi në vitin 2018.

Pasi u bë një rrugë kritike furnizimi për forcat ruse, ajo është sulmuar nga forcat e Kievit në disa raste dhe është dëmtuar rëndë nga sulmet e Ukrainës në tetor 2022 dhe korrik 2023, shkruajnë mediat e huaja.

Ura e Krimesë është objekt i një mosmarrëveshjeje midis Ukrainës dhe Rusisë në Gjykatën e Përhershme të Arbitrazhit.

Ndryshe, rajoni i Kërçit është cak i sulmeve ajrore.

Sulmet në Krime ndodhin vazhdimisht, veçmas pranë urës.

Një shpërthim i fuqishëm në tetor të vitit 2022 shkaktoi kolapsimin e një segmenti të rrugës dhe shkaktoi zjarr.

Rruga Press