Delegacioni amerikan dhe ai iranian në takime të ndara me kryeministrin e Pakistanit

April 11, 2026 use3

Dy delegacionet, ai i SHBA-së dhe i Iranit, kanë takuar dhe kanë zhvilluar bisedime të ndara me kryeministrin e Pakistanit.

Shtëpia e Bardhë ka njoftuar se zëvendëspresidenti amerikan JD Vance po zhvillon bisedime me kryeministrin pakistanez Shehbaz Sharif. Delegacioni amerikan përfshin gjithashtu të dërguarin special të SHBA-së, Steve Witkoff dhe Jared Kushner.

Lexo më shumë Koreja e Jugut do të udhëheqë për herë të parë stërvitje të përbashkëta detare me SHBA-në

Po ashtu, Guardian raportoi se edhe negociatorët iranianë janë takuar me kryeministrin e Pakistanit në Islamabad. Delegacioni iranian i udhëhequr nga kryetari i parlamentit Mohammad Baqer Qalibaf dhe ministri i jashtëm Abbas Araghchi ka zhvilluar bisedime me Sharifin.

Zyrtarët nga rajoni thanë të shtunën se zyrtarët egjiptianë, sauditë, kinezë dhe ata nga Katari ndodhen në Islamabad për të lehtësuar në mënyrë indirekte bisedimet.

Lexo më shumë Izraeli kap pranë Kretës flotën e drejtuar për në Gazë dhe arreston 175 aktivistë

Rruga Press