Mbi 84 milionë euro remitanca nga mërgata në janarin e këtij viti në Kosovë

Mbi 84 milionë euro është vlera e dërgesave nga mërgata në Kosovë në muajin janar të këtij viti, ka njoftuar Banka Qendrore e Kosovës.

Në një komunikatë për media, BQK-ja njoftoi të enjten se këto janë statistika mbi remitancat, e në vitin e kaluar vlera e tyre gjithsej ishte 1 miliard e 343 milionë euro.

Sipas këtij institucioni, prurjet më të mëdha të remitancave kanë qenë nga institucionet financiare jobankare, me pjesëmarrje prej 63.3 për qind. pasuar nga bankat me 19.4 për qind e kanalet e tjera, 17.3 për qind.

“Për sa i përket aseteve të kompanive të sigurimit, BQK-ja tregon se deri në këtë muaj vlera e tyre ishte 312.2 milionë eurove dhe është rritje prej rreth 6.8 milionë euro krahasuar me muajin paraprak. Ndërsa, asetet e fondeve pensionale kanë arritur vlerën e 2.75 miliardë euro, duke shënuar rritje për 41 milionë euro. Në fund, BQK-ja tregon se asetet e ndërmjetësve tjerë financiar në fund të janarit 2024 janë zvogëluar për 1.7 milion euro, krahasuar me muajin paraprak duke arritur vlerën e 511.9 milionë eurove”, thuhet në njoftimin e Bankës Qendrore.

Rruga Press