Mbi 100 të plagosur, 25 prej tyre forca sigurie, çfarë po ndodh me protestën në Irak?

Përshkallëzohen sërish protestat në Irak. Mbështetësit e klerikut të fuqishëm irakian Muqtada al-Sadr kanë sulmuar parlamentin për herë të dytë brenda një jave.

Protestuesit përsëri shkelën Zonën e Gjelbër të sigurisë së lartë në Bagdad, pasi kundërshtojnë emërimin e një kandidati rival pro-Iranit për kryeministër.

Sipas BBC, mbi 120 persona u plagosën në trazirat e fundit. Blloku i Sadr fitoi shumicën e vendeve tetorin e kaluar, por nuk është në pushtet për shkak të një bllokimi politik.

Koalicioni më me ndikim në parlament e ka dënuar protestën.

Korniza e Koordinimit të udhëhequr nga Shiitët u ka bërë thirrje irakenëve të organizojnë demonstrata “paqësore”. Ministria irakiane e shëndetësisë tha se rreth 100 nga të plagosurit të shtunën ishin civilë dhe 25 ishin personel sigurie. Gjashtë janë në gjendje të rëndë.

Protestuesit janë zotuar të pushtojnë parlamentin deri në një njoftim të dytë, raporton agjencia e lajmeve AFP.

Ata fillimisht u mblodhën në fund të një ure që të çon në Zonën e Gjelbër të ruajtur nga afër – e cila është shtëpia e një numri ndërtesash më të rëndësishme të kryeqytetit, duke përfshirë ambasadat.

Por dhjetëra prej tyre shkatërruan barrierat e betonit që mbronin zonën dhe vrapuan brenda parlamentit ku valëvitën flamujt irakianë dhe fotografitë e zotit Sadr.

Kryeministri aktual i Irakut, Mustafa al-Kadhimi, udhëzoi forcat e sigurisë të “mbronin demonstruesit”.

Ai u bëri thirrje protestuesve që “të ruajnë lëvizjen e tyre paqësore, të shmangin përshkallëzimin dhe të respektojnë direktivat e forcave të sigurisë, qëllimi i të cilave është mbrojtja e tyre dhe mbrojtja e institucioneve zyrtare”.

Rruga Press