“Masat ndaj Kosovës”, Rohde: Së shpejti do kemi zhbllokim të situatës

Ambasadori i Gjermanisë në Kosovë, Jorn Rohde ka thënë se në takimin me Komisionin Parlamentar për Punë të Jashtme dhe Diasporë kanë diskutuar për heqjen e masave eventuale të BE-së ndaj Kosovës.

Pas përfundimit të këtij takimi në deklarimin e tij, Rohde ka lënë të kuptohet se së shpejti do të merret një vendim, siç tha ai “për ta zhbllokuar situatën”.

“Patëm një takim miqësor dhe të mirë për çështjet aktuale, Këshillin e Evropës, heqjen e masave dhe kam treguar pozicionin e Gjermanisë si partner i ngushtë i Kosovës në Evropë dhe së shpejti do të kemi vendime të cilat e zhbllokojnë situatën”, ka deklaruar Rohde.

Edhe kryetarja e komisionit, Arbreshë Kryeziu-Hyseni ka thënë se tema fokus e këtij takimi ka qenë çështja e largimit të masave ndaj Kosovës.

“Kemi diskutuar në vëcanti për çështjen e largimit të masave. Ky takim ka ardhur si nismë disa takimeve te tjera që do ti kemi me ambasadorë pëer tiu bashkuar thirrjes për heqjen e masave”.

E pyetur nëse ambasadori gjerman ua konfirmoi se Borrell javën e ardhshme do ta dorëzojë te shtetet anëtare raportin për çështjen e masave, Kryeziu tha se mund të ketë lëvizje.

Ajo ka paralajmëruar takime të tilla edhe me ambasadorë të shteteve tjera të QUINT-it.

Rruga Press