Masat e BE, Kurti: Do u vijë fundi, siç i erdhi regjimit të vizave

Kryeministri Albin Kurti ka dhënë një koment sa u takon masave të padrejta nga Bashkimi Evropian për Kosovën. Në mbledhjen e qeverisë Kurti tha se edhe këtyre masave do u vijë fundi siç i erdhi regjimit të vizave.

“Derisa angazhohemi çdo ditë që masave të padrejta të Bashkimit Europian ndaj Kosovës t’u vije fundi, jemi shumë të lumtur që në këtë fillimvit i erdhi fundi masës më të padrejtë e më të gjatë që Bashkimi Europian praktikisht kishte me qytetarët e Republikës sonë, regjimin e vizave”, tha Kurti.

Arritjet e këtij muaji, Kurti tha se “së pari janë të shtetit të Kosovës”.

“Andaj, le të ecim përpara me optimizmin dhe disponimin e muajit janar, me angazhimin e vendosmërinë e këtyre tri viteve të qeverisjes sonë të mirë e demokratike, dhe në të njëjtën kohë, këtë le ta bëjmë, natyrisht, drejt rezultateve të reja dhe arritjeve të radhës”, tha ndër tjerash Kurti.

Rruga Press