Mali i Zi i vendos sanksione Rusisë, përfshirë edhe Putinit

March 15, 2022 user 1

Komisioni për sistem politik të Qeverisë së Malit të Zi, i kryesuar nga zëvendëskryeministri Dritan Abazoviq, miratoi sot një paketë sanksionesh kundër Rusisë, e cila më parë ishte prezantuar nga Këshilli i Bashkimit Evropian (BE).

E që vendimi të hyjë në fuqi, qeveria duhet ta konfirmojë atë, ka shkruar gazeta “Vijesti”.

Lexo më shumë Shefi i NATO-s i shqetësuar për sigurinë afatgjate të aleancës

Sipas vendimit, sanksionet zbatohen për 696 shtetas rusë, si dhe për institucione financiare, prona, tregti dhe shpërndarje të mallrave.

Lista e të sanksionuarve përfshin presidentin rus Vladimir Putin, kryeministrin Mikhail Mishustin, ministrin e Jashtëm Sergei Lavrov, ministrin e Brendshëm Vladimir Kolokoltsev, liderin e Çeçenisë, Ramzan Kadyrov, ish-presidentin rus dhe nënpresidentin aktual të Këshillit të Sigurimit, Dmitry Medvedev.

Në listë janë edhe Igor Sechin, shef ekzekutiv i kompanisë shtetërore të naftës “Rosneft” dhe Nikolai Tokarev, shef ekzekutiv i kompanisë së naftës dhe gazit, “Transneft”.

Lexo më shumë Mijëra studentë serbë protestojnë për të kërkuar përgjegjësi për incidentin në Novi Sad

Sot, BE-ja vendosi për një pako tjetër të sanksioneve ndaj Rusisë, që është e katërta.

Rruga Press