Macroni letër Vuçiqit, shpreson që dialogu të mbyllet në muajt në vijim

Presidenti i Francës, Emmanuel Macron, ka thënë se ka shpresë që dialogu Kosovë-Serbi të mbyllet në muajt në vijim.

Në një letër drejtuar presidentit të Serbisë, Aleksandar Vuçiq, të cilin e ka uruar për ditën e shtetësisë, Macron ka theksuar se ai dhe Franca përkrahin dialogun me qëllimin që të arrihet “marrëveshja gjithëpërfshirëse dhe përfundimtare për normalizim raportesh”.

“Dua ta shpreh dëshirën që sukseset në këtë pikë të ndodhin në muajt në vijim”, ka shkruar Macroni.

I pari i Francës ka shtuar se ky shtet e ka në qendër të Presidencës së Këshillit të Evropës perspektivën evropiane të Ballkanit Perëndimor.

Rruga Press