Luftanija ruse me raketa hipersonike mbërrin në Detin Norvegjez, mesazhi i Putinit

Një luftanije ruse e armatosur me raketa hipersonike ka zhvilluar këtë të martë stërvitje në Detin Norvegjez.

Ministri i Mbrojtjes i vendit tha se ekuipazhi “kreu një stërvitje për të zmbrapsur mjetet e një sulmi ajror të një armiku të simuluar” gjatë stërvitjes.

Dërgimi nga Putin i anijes së armatosur me raketa hipersonike në Oqeanin Atlantik konsiderohet si një mesazh për Perëndimin se rusët nuk do të tërhiqen nga lufta në Ukrainë.

E quajtur Admirali i Flotës së Bashkimit Sovjetik Gorshkov, anija është e armatosur me disa raketa Zirkon.

Rusia thotë se armët e tejkalojnë me nëntë herë shpejtësinë e zërit dhe kanë një rreze prej mbi 1000 km.

Kujtojmë se javën e kaluar, ish-presidenti rus Dmitry Medvedev paralajmëroi Shtetet e Bashkuara se raketat hipersonike së shpejti do të jenë shumë afër brigjeve të NATO-s.

Rruga Press