Lufta e Putinit ka shkaktuar një eksod nga Rusia, por opsionet e arratisjes po pakësohen

Nga Carlotta Dotto/CNN

Nga Moska në kryeqytetin e naftës siberian, Novosibirsk, dhe nga qendra intelektuale e Shën Peterburgut në bazën e nëndetëseve bërthamore të Murmansk, rusët po kërkojnë një rrugëdalje në pritje të një të ardhmeje të zymtë në një vend të copëtuar nga izolimi, censura dhe lufta.

“Më 24 shkurt, gjithçka ndryshoi, jetët tona u ndanë në para dhe pas”, tha Veronica, një tregtare dixhitale 26-vjeçare që jeton në Moskë. Ajo dha një pseudonim për të mbrojtur identitetin e saj.

Ajo nuk donte të merrte një vendim të nxituar, ndërsa shihte miqtë dhe të njohurit e saj duke paketuar papritur valixhet dhe duke shkelur marrëveshjet e qirasë, disa ditë pasi mësuan se Rusia kishte sulmuar Ukrainën.

Në vend të kësaj, ajo shkoi në protesta kundër luftës në kryeqytetin rus.

Legjislacioni i ri u miratua në Rusi në fillim të marsit , i cili mund t’i dërgojë njerëzit në burg deri në 15 vite për postimin ose ndarjen e informacionit rreth luftës që autoritetet i konsiderojnë të rreme. Ata e bënë të paligjshëm edhe përdorimin e fjalës “luftë”, tha Veronica.

Megjithatë, pika e fundit për të ishte reagimi i popullatës së gjerë ruse, për të cilën ajo mendon se “besojnë propagandën televizive”.

“Po bërtisja se ishte koha që ne të protestonim, të shkonim në mitingje, t’u shkruanim ankesa deputetëve, në vend të kësaj, njerëzit shkuan në pazar ditën e fundit të punës së IKEA,” tha Veronica. “Nuk dua të jetoj me njerëz të tillë, ata ma thyen zemrën”.

“Nuk ka rëndësi se ku shkojmë, ne thjesht duam të arratisemi”, tha ajo për CNN.

Rruga Press