Lojtari titullar i Kombëtares mund të humbasë ndeshjet e muajit nëntor

Keidi Bare u kthye në Spanjë i dëmtuar nga ndeshja e fundit me ekipin përfaqësues ndaj Polonisë. Mesfushori u zëvendësua pjesën e dytë pasi e kishte të pamundur për të vazhduar.

Mesfushori do të jetë jashtë për tri javë.

Nëse është kështu, futbollisti shqiptar do të humbasë ndeshjet kundër Elçes, A.Bilbaos, Getafes dhe ndoshta Granadës.

Për mungesën e Bares ka folur dhe trajneri i Espanjolit, Moreno, i cili është edhe pak i irrituar me situatën e shqiptarit.

“Dy herë që e kemi humbur ka qenë pas ndeshjeve të ekipit kombëtar.

Është turp sepse arriti në një nivel shumë të mirë”.

Ndërsa sa i përket grumbullimit me Kombëtaren për ndeshjet e nëntorit, Bare do të jetë në luftë me kohën, pasi në datën 12 nëntor luajmë kundër Anglisë.

Rruga Press