LISTA/ Sa para dhe çfarë pajisjesh ushtarake i ka dhënë bota deri tani Ukrainës?
Ukraina ka përsëritur thirrjen e saj për më shumë furnizime me armë për t’i rezistuar pushtimit rus të nisur që prej shkurtit.
Presidenti Volodomyr Zelensky tha në takimin e kësaj jave të NATO-s: “Ne duhet të thyejmë avantazhin e artilerisë ruse. Ne kemi nevojë për sisteme shumë më moderne.”
Nëse Ukraina nuk do të merrte armët e nevojshme për të mposhtur Rusinë, tha ai, udhëheqësit e NATO-s do të përballeshin me një luftë të ardhshme me Moskën vetë.
Sasi të mëdha pajisjesh ushtarake i janë dhënë Ukrainës nga më shumë se 30 vende, por armatimi i rëndë ka qenë i ngadalshëm për të mbërritur dhe në disa zona trupat ukrainase janë goditur rëndë.
Por cilat vende po japin më shumë ndidhmë Ukrainës?
Për sa i përket shpenzimeve, SHBA-ja është zotuar të sigurojë shumë më tepër se çdo vend tjetër individual.
Mbretëria e Bashkuar dhe Polonia janë zotuar të shpenzojnë shumat e dyta dhe të treta më të mëdha.
Për sa i përket parave të shpenzuara tashmë, në vend të zotimeve për të shpenzuar, Shtëpia e Bardhë thotë se SHBA-ja ka dhënë 6.3 miliardë dollarë (5.2 miliardë £) ndihmë për sigurinë për Ukrainën që kur presidenti Joe Biden mori detyrën në janar 2021.
Mbretëria e Bashkuar thotë se ka siguruar 1.6 miliardë dollarë (1.3 miliardë paund), me 1.2 miliardë dollarë të tjerë (1 miliardë £) pajisje ushtarake, që nga fillimi i luftës.
Presidenti Zelensky ka apeluar për më shumë fonde dhe ka thënë se kostoja mujore e mbrojtjes për Ukrainën ishte rreth 5 miliardë dollarë (4.1 miliardë paund).
Edhe Shqipëria i ka dhënë 1 milion euro qeverisë ukrainase.Ministri i Mbrojtjes, Niko Peleshi tha më 18 mars 2022 se Shqipëria kishte dërguar pajisje ushtarake në Ukrainë.
Cilat janë sistemet kryesore?
Profesionistët ushtarakë thonë se suksesi në fushën e betejës kërkon një gamë të madhe armatimesh, si dhe trajnime, pjesë këmbimi dhe mbështetje të tjera.
“Asnjë sistem armësh nuk është një plumb argjendi,” sipas gjeneralit Mark Milley, Kryetar i Shefave të Përbashkët të Shtabit të SHBA.
Megjithatë, disa sisteme armësh besohet se kanë luajtur rol kyç në konflikt deri më tani.
Rruga Press