Lajmi i fundit/ Berisha e thotë publikisht: Britania më ka shpallur non grata

Berisha non grata nga Mbretëria e Bashkuar: Kam marrë një letër nga Sekretari i Brendshëm.

“Kjo ishte çështja e dytë pse jam sot para jush. Disa orë pasi Edi Rama dha lajmin. Jam njoftuar me një letër se Sekretari i Brendshëm ka marrë vendimin për moslejimin tim për të hyrë në Mbretërinë e Bashkuar me arsyetimin se keni lidhje me kriminelë dhe jeni gati t’i përdorni këto lidhje për politikë.

Ky vendim është në vrazhdën e shpifjeve për interesa të të njëjtit grup që kanë financuar vendimin e Blinken.

Unë kam qenë në dijeni të përpjekjeve që partner ndërkombëtarë t’i bashkangjiten vendimit të tyre”, tha Berisha.

Pavarësisht se vendimi është konfidencial, Berisha u shpreh se e bëri publik për qytetarët shqiptarë me të cilët thotë se ka qenë gjithnjë i vërtetë.

Britania e Madhe ka vendosur ‘nën shënjestër’ disa shtetas shqiptarë, sipas saj janë të përfshirë në krim dhe korrupsion.

Lajmi është publikuar në faqen e qeverisë britanike, ku nëvizohet se janë marrë masa ndëshkuese.

Në shkresën e të dërguarit të Posaçëm të kryeministrit britanik në Ballkanin Perëndimor, Stuart Peach, nënvizohet se kjo është “vala e parë e një serie veprimesh për të inkurajuar llogaridhënien dhe për t’i dhënë fund pandëshkueshmërisë”.

Rruga Press