Lajme

Lajçak takon Escobarin për dialogun Kosovë-Serbi dhe rrugën përpara

user 1

Emisari i Bashkimit Evropian për dialogun Kosovë-Serbi, Miroslav Lajçak, ka pritur në një takim në Bruksel, të dërguarin e SHBA-ve për Ballkanin Perëndimor, Gabriel Escobar.

Lajçak bëri të ditur se me Escobarin kanë diskutuar për dialogun Kosovë-Serbi.

“I lumtur të mirëpres kolegun dhe mikun tim të mirë Gabriel Escobar në Bruksel. Së bashku me ekipet tona, ne kaluam dje në një diskutim të thelluar mbi Dialogun, gjendjen dhe rrugën përpara, si dhe çështje të tjera rajonale të Ballkanit Perëndimor. Faleminderit për një bashkëpunim të jashtëzakonshëm”, ka shkruar Lajçak në platformën “X”.

Lexo më shumë  Kroacia i merr aeroplanët që Serbia i kërkon nga Franca

Dialogu mes dy vendeve është ndërprerë për shkak të tensioneve që ndodhën në maj të këtij viti në veri të Kosovës.

Kurti e Vuçiq përballë njëri tjetrit u ulën për herë të fundit në muajin maj, e pavarësisht tentimeve, një takimi i nivelit të lartë në kuadër të dialogut, nuk ndodhi më.

E një i tillë, nuk pritet të ndodhë brenda të paktën brenda një periudhe të shkurtë kohore.

Bashkimi Evropian, ka kërkuar nga Kosova që të mos ndërmarrë veprime nxitëse e të pezullojë operacioniet e policisë brenda dhe rreth objekteve komunale.

Lexo më shumë  Kurti: Trashëgimtarët e Millosheviqit në Beograd refuzojnë t’i hapin arkivat për t’i zbuluar lokacionet e varrezave masive

BE-ja gjithashtu ka ripërsëritur  thirrjen për zbatim të marrëveshjes së Ohrit bashkë me ankesin e zbatimit, përfshirë edhe themelimin e Asociacionit të Komunave me shumicë serbe.

Rruga Press

YouTube player