‘Lajçak ishte fatkeqësi për dialogun’, Eurodeputeti: Shpresoj të mos i turbullojë edhe raportet BE-Zvicër

April 4, 2024 User2

Deputeti i Parlamentit Evropian, Reinhard Butikofer, nuk ka dhënë vlerësim aspak të mirë për të Dërguarin e Bashkimit Evropian për Dialogun Koosovë-Serbi, Miroslav Lajçak.

“Lajçak ka qenë një fatkeqësi e pazbutur në punën e tij të mëparshme”, ka shkruar Butikofer, duke folur për raportimet se diplomati sllovak do të marrë pozitë të re pas zgjedhjeve evropiane,

Lexo më shumë Mbretëria e Bashkuar do të ndihmojë në financimin e programit Gripen për Ukrainën

“Shpresoj që ai nuk do t’i turbullojë edhe marrëdhëniet në mes të Zvicrës dhe Bashkimit Evropian”.

Lajçak raportohet se do të jetë Ambasador i BE-së në Zvicër. Ai ka qenë emisar për dialogun midis Kosovës dhe Serbisë nga viti 2020 transmeton KlanKosova.tv.

Butikofer është politikan gjerman i cili ka shërbyer në PE nga viti 2009. Ai është anëtar i Partisë së Gjelbër Evropiane.

Lexo më shumë Një kompani në Beograd e themeluar nga ish-këshilltari i Vuçiqit është gjetur në qendër të një skandali që po trondit Izraelin

Rruga Press