‘Lagjeve të shpirtit’, ekspozita që rrëfen qytetin e dikurshëm të Vlorës
Si ka qenë Vlora dikur, sa shumë ka ndryshuar qyteti bregdetar dhe si e kujtojnë dy të rinjtë që janë rritur e aty, është kjo pikënisja e ekspozitës më titull “Lagjeve të Shpirtit”.
Fotografi Julian Bleta dhe piktori Roland Runaj, kanë zgjedhur ta rrëfejnë nëpërmjet tablove, vende në Vlorë që ata i njohin më mirë dhe që shkojnë përtej asaj që të gjithë dinë nga ky qytet historik.
“Lidhja është shpirtërore. Çdo lagje ka një memorie, një lidhje personale. Nuk është thjesht Vlora Historike apo vitet që ne nuk kemi jetuar. Janë lagjet ku kemi shkelur e jemi rritur. Është memoria kolektive e brezit tonē. Është historia e vjetër por edhe ajo moderne, si janë transformuar lagjet. Gjithsecili gjen veten e tij, kujtimet e tij”, thotë piktori Sinkron Roland Runaj.
“Pikturēn që kam më përzemēr, nga e cila merr emrin edhe ekspozita është lagja ‘Partizani’ ku jam rritur, ku kam kaluar fëmijërinë, luanim me shokët është emocion. Është njē autoportret i imi, tani e shikoj me sytë e një të rrituri, pas paletës së artistit”, shton ai.
Në objektivin e Julian Bletës, janë fiksuar hapësira dhe detaje që zor jetojnë në memorien e qytetarëve. Fotot janë aty tashmë si fakte, për të dëshmuar ndryshim.
“Jam munduar te kap historinë e gjitha lagjeve. Kemi kapur çfarë ka mbetur nga të gjitha lagjet. E kemi nisur prej 4 vitesh kur qendra historike nuk ishte kjo, dhe kemi kapur të gjitha ndryshimet”, thotë fotografi.
Në këtë ekspozitë, ku ndërthuren fotografia dhe piktura, po ashtu dallohet qartë edhe arkitektura e godinave të vjetra, ku bashkë me të çohet edhe mesazhi për ruajtjen e së vjetrës dhe të kaluarës./euronews/