Kuvendi miraton marrëveshjen për Lojërat Mesdhetare

Deputetët e Kuvendit të Kosovës kanë miratuar shqyrtimin e projektligjit për ratifikimin e marrëveshjes ndërmjet Qeverisë dhe Këshillit të Ministrave të Shqipërisë për Lojërat Mesdhetare Prishtina 2030, e cila është pikë e parë e rendit të ditës. 

Marrëveshja për Lojërat Mesdhetare është votuar unanimisht. 

Kuvendi gjithashtu ka miratuar edhe katër marrëveshje ndërkombëtare. 

Është miratuar Projektligji për ratifikimin e marrëveshjes për tregti të lirë mes Kosovës dhe shteteve të EFTA-s, ku bëjnë pjesë Zvicra, Norvegjia, Islanda dhe Lihtenshtajni, si dhe protokollet 5, 6 dhe 7 të aderimit dhe amendamentimit të marrëveshjes për tregti të lirë të Evropës Qendrore. 

Seanca po vazhdon të mbahet me pika të tjera të rendit të ditës. 

Rruga Press