Kuvendi miraton buxhetin e vitit 2022, PS rrëzon fermerët
Pas një muaji diskutime në komisionet parlamentare, Kuvendi këtë të enjte miratoi me 77 vota pro buxhetin e vitit 2022.
Propozimet e qeverisë për këtë buxhet dhe paketën fiskale kanë prodhuar jo pak debate.
Në seancën plenare të sotme, përballë vullnetit të mazhorancës kanë ardhur disa kërkesa për amendime nga ana e deputetëve.
Seanca plenare për miratimin nen për nen nisi me kundërshtitë e fermerëve. Të mbledhur para Parlamentit ata kërkuan që paketa fiskale të mos miratohet.
Për t’i dëgjuar shkoi vetë kryeministri Rama. Pas takimit fermerët thanë se ranë dakord me kreun e qeverise vetëm për t’u ulur në bisedime.
Amendamentet e tij të dorëzuara me disa ndryshime në paketën fiskale, morën vetëm 10 vota pro. Mazhoranca ka pranuar vetëm amendimin e Taulant Ballës për shtimin e fondit prej 60 milionë lekësh për KPA-në.
Edhe propozimet e tjera të mbërritura nga Monika Kryemadhi dhe Erisa Xhixho, Petrit Vasili nga LSI si edhe Alfred Rushaj dhe Jorida Tabaku nga PD u hodhën poshtë.
Rruga Press