Kush po gënjen, Trumpi apo Putini? Lavrov: Askush nuk na ka pyetur për vendosjen e trupave paqeruajtëse evropianë në Ukrainë
Ministri i Jashtëm i Rusisë ka cilësuar diskutimet për një forcë paqeruajtëse që do të vepronte në Ukrainë pas një armëpushimi të mundshëm me Rusinë si “biseda bosh”.
Duke folur në Doha, Sergey Lavrov tha se kjo ide, e propozuar javët e fundit nga Britania dhe Franca, ka për qëllim të ushqejë më tej konfliktin dhe është një “mashtrim” që ka si synim lejen për Ukrainën të riarmatoset.
Ai tha se ky hap do ta tërhiqte Ukrainën në NATO dhe do të “shkatërronte plotësisht” të drejtat e rusishtfolësve në shtetin ukrainas, shkruan skynews.
⚡️ BREAKING "Russia is not considering any options for the deployment of European peacekeepers in Ukraine. No one has asked us about this"
— NEXTA (@nexta_tv) February 26, 2025
Russian Foreign Minister Lavrov flew to Qatar and responded to a statement about the presence of foreign peacekeepers in Ukraine:
“We are… pic.twitter.com/UqXEAeCWI8
Presidenti amerikan, Donald Trump, tha të hënën se e ka pyetur personalisht homologun rus, Vladimir Putin për mundësinë e një force paqeruajtëse që do të vepronte në Ukrainë.
Lideri rus thuhet se ka thënë se “nuk kishte asnjë problem me këtë”, në një kundërshtim të mprehtë me mesazhin e Kremlinit në lidhje me këtë çështje.
Kur u pyet për komentet në një konferencë shtypi, zëdhënësi i Kremlinit, Dmitry Peskov shprehu dyshim për deklaratën e Trumpit, duke iu referuar një deklarate të mëparshme që një lëvizje e tillë do të ishte “e papranueshme” për Moskën.
Ndryshe, Rusia dhe SHBA-ja kanë zhvilluar bisedimet e para për Ukrainën ndërsa një gjë të tillë do ta bëjnë edhe brenda muajit të ardhshëm.
Rruga Press