Kurti: Shtesat për lehonat prej 500 eurosh janë ekzekutuar sot

May 25, 2026 user 1

Kryeministri në detyrë, Albin Kurti, njofton se gjatë ditës së sotme është bërë ekzekutimi i pagesave për lehonat në vlerë prej 500 euro.

Kurti shkruan se pagesa është ekzekutuar me sesionin e fundit bankar, dhe “mund të marrë pak kohë derisa mjetet të reflektohen në llogarinë e secilit”.

Postimi i tij i plotë:

Lexo më shumë PPP-të marrin 1 miliard euro nga shteti, gati gjysma e kontratave të koncesioneve janë nën hetim nga SPAK-u

Sot janë ekzekutuar shtesat për lehonat me vlerën e re, të rritur. Nga tash 500 euro.

Të premten e kaluar, në mbledhjen e fundit të Qeverisë, morëm vendim ndër të tjera që të mos prisnim korrikun, kur paga minimale bëhet 500 euro, në mënyrë që edhe shtesat për nënat lehona të rriten në të njëjtën vlerë.

Meqenëse pagesa është ekzekutuar me sesionin e fundit bankar, mund të marrë pak kohë derisa mjetet të reflektohen në llogarinë e secilit.

Lexo më shumë FMN: Shqipëria po diplomon studentë që nuk i duhen kujt, rrënjët e problemit që në sistemin e arsimit parauniversitar

I gëzofshin të gjitha nënat dhe familjet!

Rruga Press