Kurti: Sapo të certifikohet rezultati i zgjedhjeve, fillojmë komunikimet për formimin e institucioneve
Kryeministri në detyrë i Kosovës, Albin Kurti, ka deklaruar se komunikimet për krijimin e institucioneve të reja do të nisin menjëherë pas certifikimit të rezultateve të zgjedhjeve parlamentare të 7 qershorit.
I pyetur nga gazetarët për hapat që do të ndiqen drejt formimit të institucioneve të reja, ai ka thënë se pret përfundimin e procesit të certifikimit të rezultateve.
“Por sa të certifikohet rezultati, fillojmë komunikimet menjëherë”, ka deklaruar shkurt Kurti, më 23.06.2026.
Zgjedhjet parlamentare të 7 qershorit kanë nxjerrë Lëvizjen Vetëvendosje si subjektin me më së shumti vota.