Kurti publikon fotografi nga tubimi në Ferizaj: Vazhdojmë krah për krah, e cep më cep

January 10, 2025 user 1

Kryeministri i Kosovës, njëherësh kreu i Lëvizjes Vetëvendosje, Albin Kurti, të enjten ka takuar qytetarët në Ferizaj, ku ka premtuar zhvillim e siguri pas zgjedhjeve të 9 shkurtit.

Kurti ka publikuar disa fotografi nga tubimi me qytetarët, ku ka shkruar se do të vazhdojnë krah për krah e cep më cep.

Lexo më shumë Kurti pasi u nominua për kryeministër: Është detyrim historik, këtë detyrë do ta përmbushim e s’na ndalë dot askush

“Aty ku ndahet rrjedha e lumit të Nerodimës në dysh, aty bëhemi bashkë në një, sepse rrjedha jonë as nuk ndahet e as nuk ndalet. Sonte ishim në Ferizaj, e prej aty do të vazhdojmë, krah për krah, cep më cep drejt 9 shkurtit për më shumë rritje, zhvillim e siguri”, ka shkruar Kurti në postimin në Facebook.

Tutje, ai ka shtuar “ju faleminderit për përkrahjen dhe mikpritjen, e mirupafshim më 19 janar në Sallën e Sporteve Bill Clinton”.

Lexo më shumë Costa uron Kosovën për Ditën e Evropës: E ardhmja juaj është në BE

Rruga Press