Kurti: Kosova nuk është e varur nga njohja e Serbisë

Kryeministri i Kosovës, Albin Kurti, ka deklaruar në Kuvend të premten, se shteti i Kosovës nuk është i varur nga njohja e Serbisë.

Gjatë debatit parlamentar për dialogun, Kurti ka thënë se Kosova brenda e ka problem korrupsionin, ndërkaq në raport me Serbinë, e ka mosnjohjen nga ky shtet.

“Ne kemi dëshmuar që jo vetëm që shteti i Kosovës është i suksesshëm por në të njëjtën kohë ai nuk është i varur nga njohja e Serbisë. Kosova nuk është problem, por Kosova ka problem brenda korrupsionin dhe në raport me Serbinë e ka mosnjohjen e Serbisë”, ka thënë Kurti.

Ai ka thënë se imazhi i Kosovës kurrë nuk ka qenë më i favorshëm se sot.

Rruga Press