Kurti: Kemi filluar takimet zyrtare për formimin e qeverisë

Kryetari i Lëvizjes Vetëvendosjes, Albin Kurti, ka thënë se ka filluar konsultimet me komunitetet jo shumicë për formimin e qeverisë së re.

Ai tha të mërkurën se ka takuar kryetaren e Partia e Re Demokratike (NDS) nga komuniteti boshnjak, Emilija Rexhepi  dhe kryetarin e Partisë për Liri, Drejtësi dhe Mbijetesë nga komuniteti serb, Nenad Rashiq.

Kurti bëri të ditur se shumë shpejt do t’i zhvillojë takime edhe me të tjerët, por pa specifikuar nëse një gjë e tillë do të ndodh edhe me ndonjë prej partive shqiptare që ka siguruar ulëse në Kuvend.

Kurti, i cili është edhe kryeministër në detyrë, nuk komentoi arsyet se pse këto takime po i zhvillon në Zyrën e Kryeministrit dhe jo në atë të partisë.

I pyetur për dënimin nga Gjykata e Prishtinës me 250 euro për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore, Kurti me ironi tha se ndonjëherë e dënojnë atë, mirëpo sugjeroi gazetarët që të mos mërziten për një gjë të tillë.

Këto komente Kurti i bëri pas përurimit të çerdhes në lagjen “Rezinë” të Gjakovës. Ai tha se gjatë mandatit katërvjeçar shuma  e investimeve për çerdhe ka arritur mbi 35 milionë euro.

Rruga Press