Kurti: Baca Sylë, ishte një shpirt luftarak, që i rezistoi kohës dhe na mbushte plot energji e pozitivitet

June 17, 2024 User2

Kryeministri i Kosovës, Albin Kurti ka thënë se lajmi për ndarjen e Sylë Tahirsylaj, i ka pikëlluar thellë.

Kurti në reagimin e bërë në Facebook, ka shkruar se kontributi i tij do të mbetet i paharrueshëm.

“Kullën e familjes Tahirsylaj në fshatin Isniq e vizituam në tetorin e para dy viteve. Bisedat me Prof. Dr. Sylë Tahirsylaj i patëm të gjata e mbresëlënëse. Kontributi i tij në fushën e metereologjisë në Kosovë dhe për Universitetin e Prishtinës si akademik, do të mbetet i paharrueshëm”, ka pohuar ai.

Lexo më shumë Arrestohet një person për thyerjen e xhamit të Kuvendit të Kosovës, i dyshuari del se ka dosje për disa raste në Polici. Për posedim të paautorizuar të armës, dhunë në familje dhe vjedhje

Tutje, kryeministri ka shkruar se “Baca Sylë, ishte një shpirt luftarak, që i rezistoi kohës dhe na mbushte plot energji e pozitivitet”.

“Lajmi për ndarjen e tij nga jeta na pikëlloi thellë. Do ta kujtojmë përherë përkushtimin për punën dhe dashamirësinë e tij. Ngushëllimet më të sinqerta për familjen Tahirsylaj, për më të dashurin tuaj. Bacën Sylë do ta kujtojmë për jetë e mot”, thotë mes tjerash ai.

Lexo më shumë VATRA nga diaspora shqiptare në SHBA uron Justina Shiroka-Pulën për zgjedhjen presidente të Kosovës

Sylë Tahirsylaj ka ndërruar jetë më 16 qershor.

Rruga Press