Kurti: 17 muaj trajtim i lëndës nga Kushtetuesja, nuk zbeh bindjen që projekligji për Byronë është i duhur dhe i nevojshëm

September 12, 2024 user 1

Kryeministri i Kosovës, Albin Kurti, ka shkruar në Facebook të mërkurën për mbledhjen e 220 të Qeverisë e mbajtur sot.

Kurti tha se e kanë nisur mbledhjen me miratimin e projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme.

Ai tha se u desh të presim 17 muaj që Gjykata Kushtetuese ta trajtojë lëndën e dorëzuar nga opozita parlamentare, por shtoi se kjo nuk ta zbeh bindjen e Qeverisë për siç thotë ai nevojën e këtij projektligji.

Lexo më shumë Kusari-Lila: Çmimet e derivateve po stabilizohen, vendimi për marzhën mbetet në fuqi deri muajin e ardhshëm

“E filluam me miratimin e projektligjit të finalizuar për Byronë Shtetërore për Verifikimin dhe Konfiskimin e Pasurisë së Pajustifikueshme. U desh të presim 17 muaj që Gjykata Kushtetuese ta trajtojë lëndën e dorëzuar nga opozita parlamentare, por kjo nuk e ka zbehur aspak bindjen tonë që ky projektligj është i duhur dhe i nevojshëm dhe që Byroja do të bëhet”, ka shkruar Kurti.

Lexo më shumë SPAK-u godet fort qeverinë Rama, del e-maili për vilën e Ballukut në Dhërmi: "Zemër, po të dërgoj fotot e Belës, që të kuptosh në ç’fazë është shtëpia. Bela ka F-5, ndërsa ne kemi F-6. Në foton që kam bërë më afër me vilat ka vizatuar dhe ku do behet pishina. Më pëlqen shumë. Рuç"

Po ashtu, ai ka shkruar edhe për vendimet e tjera që mori Qeveria.

Rruga Press