“Kur kërkova avionë, nuk mendova këtë”, Zelensky “tallet” me vdekjen e Prigozhin
Presidenti ukrainas Volodymyr Zelensky ka gjetur kohë që në një deklaratë për shtyp nga Kievi të bëjë një batutë për vdekjen e liderit të grupit Wagner, Yevgeny Prigozhin.
Zelensky fillimisht tha se Kievi nuk mban asnjë përgjegjësi për vdekjen e Prigozhin, i cili raportohet se ka ndërruar jetë më 23 gusht pas rrëzimit të avionit të tij mbi Moskë.
Lexo më shumë Raporti amerikan: Rusia humbi më tepër këmbësori në përpjekje për të pushtuar Ukrainën
Më pas Zelensky bëri shaka duke lidhur apelin e tij të vazhdueshëm ndaj aleatëve perëndimorë për t’i dhuruar Ukrainës avionë luftarakë F-16 me vdekjen e shefit të Wagner.
“Ne nuk kemi asnjë lidhje me këtë situatë. Unë mendoj se të gjithë e dinë se kush është i përfshirë. Kur kërkova nga partnerët mbështetje ajrore, nuk e mendova këtë“, tha me ironi Zelensky.
Rruga Press