Kuleba reagon: Vështirë të besohet se KB-ja mund të vendosë censurë të ngjashme me të Kremlinit

Ministri i Jashtëm i Ukrainës, Dmytro Kuleba, po e ka të vështirë të besojë se Kombet e Bashkuara po aplikojnë censurë të ngjashme me atë të Kremlinit brenda Rusisë, duke ndaluar përdorimin e fjalëve “luftë” dhe “pushtim”.

Në mediume ka qarkulluar lajmi se Kombet e Bashkuara u kanë thënë stafit të mos përdorin fjalë luftë dhe pushtim kur flitet për Ukrainën.

Mirëpo, ky lajm është përgënjeshtruar nga OKB-ja.

“Është e vështirë të besohet se OKB-ja mund të vendosë censurën e ngjashme me atë të Kremlinit brenda Rusisë, duke ndaluar përdorimin e fjalëve ‘luftë’ dhe ‘pushtim’ në mesin e stafit të OKB-së. I bëjë thirrje OKB-së që menjëherë të përgënjeshtrojë këto raporte nëse janë false. Reputacioni i OKB-së është në pyetje”, ka shkruar Kuleba në Twitter.

Rruga Press