Ku po e fshehin “pasurinë e errët” oligarkët rusë

Oligarkët rusë i kanë rreth 1 trilion dollarë të fshehura nëpër shtete të ndryshme të botës. Një e katërta e tyre kontrollohet nga presidenti i Rusisë, Vladimir Putin dhe bashkëpunëtorët e tij, thuhet në një raport amerikan, raporton BBC-ja.

Për dekada me radhë, oligarkët rusë i kanë lëvizur miliardat e tyre nëpër shtete të ndryshme, për t’i bërë sa më vështirë të gjurmueshme.

Një pjesë e tyre janë ruajtur në Qipro për shkak të taksave të favorshme.

Territoret e jashtme britanike dhe ishujt janë gjithashtu destinacione të preferuara për “konservim” të pasurisë. Një pjesë e pasurisë shkon gjithashtu edhe në New York e në Londër, ku investohen dhe kthehen si fitime të mëdha.

Pas tentimeve ruse për pushtim të Ukrainës, vendet perëndimore kanë ndërmarrë hapa për t’i gjurmuar pasuritë e oligarkëve rusë. Ndaj tyre janë vënë sanksione të shumta.

Rruga Press